በጋራ መስራት ስኬት ነው!

---

 ወርቃማ ሰኞ ✨

"በጋራ መስራት ስኬት ነው!"

በልደታ ማኑፋክቸሪንግ ኮሌጅ ሳምንታዊ 'ወርቃማ ሰኞ' መርሃ ግብር፣ የተቋማት አቅም ግንባታ ምክትል ዲን ወ/ሮ ትዕግስት ድንቁ "የቡድን ስራ (Teamwork) ለተቋማዊ ስኬት" በሚል ርዕስ ጥልቅ እና አነቃቂ ስልጠና ሰጥተዋል።

በስልጠናው ላይ እንደተገለጸው፣ የቡድን ስራ ማለት የጋራ ግብ፣ ዓላማና እሴት ያላቸው ሰዎች አንድን ስራ በጋራ ሲያከናውኑ የሚፈጠር የላቀ የትብብር ጥረት ነው። ይህም የግለሰቦችን ጥረት በማቀናጀት ከተናጠል ስራ እጅግ የላቀ ውጤት ለማስመዝገብ ያስችላል።

ምክትል ዲኑ ባቀረቡት ገለጻ፣ "በጋራ መስራት ፈጠራን ያበረታታል፣ የችግር አፈታት ክህሎትን ያሻሽላል፣ እንዲሁም የስራ ፍሰትን በማሳለጥ ምርታማነትንና ውጤታማነትን ከፍ ያደርጋል" ብለዋል።

በተጨማሪም፣ በቡድን ውስጥ ግልጽ ግንኙነት፣ መተማመን፣ መከባበር እና ገንቢ በሆነ መንገድ ግጭቶችን መፍታት ለስኬታማ የቡድን ስራ ወሳኝ ባህሪያት መሆናቸውን አጽንኦት ሰጥተዋል።

በመጨረሻም፣ የስልጠናው ተሳታፊዎች የቡድን ስራን ምንነት እና አስፈላጊነት በተሻለ ሁኔታ በመረዳት በቀጣይ የሥራ እንቅስቃሴያቸው ላይ ተግባራዊ ለማድረግ የሚያስችል ሰፊ ግንዛቤ ይዘው ተጠናቋል።

ለሰጡት ጠቃሚ እና አነቃቂ ስልጠና ከልብ እናመሰግናለን!

.